Texniki məsələlərə aid suallar
- "SecureTower" sistemi “verilənlər” bazasındakı informasiyanı hansı sürətlə emal edir?
“SecureTower” böyük həcmli və dinamik, mütəmadi yenilənən informasiya ilə işləmək üçün optimallaşdırılmışdır. Baza yeniləndikdə bütün informasiyanın indeksləşdirilməsinə əlavə vaxt və resurs sərf etmədən ancaq yeni “verilənlər” indeksləşdirilir. Bu, müştərilərə və abunəçilərə aid nəhəng “verilənlər” bazası işlədən iri şirkətlər üçün xüsusilə aktual məsələdir. Standart olaraq “verilənlər” bazasındakı informasiya 30 dəqiqədən bir yenilənir. Bu müddət dəyişdirilə bilər.
- Ələ keçirilmiş informasiya hansı formada saxlanılır?
İnformasiya formatlandırılaraq ancaq administratorların giriş səlahiyyəti olduğu verilənlər bazasında saxlanılır. Standart olaraq girişdə yoxlama loqin (istifadəçi adı) və parol əsasında aparılır. Lazım gələrsə, bazaya giriş icazəsi olan İP adresinin tələb olunması da nəzərdə tutula bilər.
- Lisenziyanın müddətinin başa çatmasına baxmayaraq əvvəllər ələ keçirilmiş “verilənlər”in saxlandığı bazadan istifadə etmək mümkün olacaqmı?
Bəli, olacaq. Lisenziyanın müddəti başa çatdıqdan sonra “verilənlər”in ələ keçirilməsi və analizi dayandırılsa da, müştəri konsolundan artıq ələ keçirilmiş informasiya çıxış imkanı ləğv olmayacaq.
- “Verilənlər” bazasının saxlanması üçün diskdə nə qədər yer olmalıdır?
Diskin tələb olunan tutumunu hesablayarkən hər istifadəçi üzrə bir ayda yığılan verilənlərin həcminin 1,5 Qb olduğu əsas götürülür. Məsələn: 1,5 Qb x 100 istifadəçi x 6 ay = 900 Qb 100 istifadəçidən 6 ay ərzində ələ keçirilən “verilənlər”in saxlana bilməsi üçün sərt diskdə məhz bu qədər boş yer olmalıdır. “Verilənlər” bazasının saxlanması üçün sərt diskin tələb olunan ümumi tutumu hər bir şirkətin spesifikasından asılı olaraq dəyişir.
- “SecureTower” Linux/Mac OS əməliyyat sistemlərini dəstəkləyirmi?
"SecureTower" sisteminin komponentləri ancaq "Microsoft Windows" ailəsinə aid əməliyyat sistemlərində qurula bilər. Bu, sadəcə server komponentlərinə deyil, həm də “verilənlər”in nəzarət altında saxlanması və analizi üçün nəzərdə tutulan agent proqramlara aiddir. Gələcəkdə "SecureTower" sisteminin Linux/Mac OS əməliyyat sistemləri üçün ayrı-ayrı komponentlərinin işlənib hazırlanması istisna olunmur. Bununla belə, mərkəzləşdirilmiş üsuldan istifadə etdikdə, yəni cihazlardan gələn trafiki güzgüləmə yolu ilə kommutatorun xüsusi span-portuna yönəldildikdə, oradan isə "SecureTower" sisteminin serverinə daxil olduqda "Windows" əməliyyat sistemindən fərqli sistemlərin idarə etdiyi cihazlardan gələn informasiya ələ keçirilə bilər. Belə olan halda ancaq şifrlənməmiş trafikə nəzarət edilir.
- "SecureTower" sisteminin agentləri qurulduqları işçi stansiyaların məhsuldarlığına təsir edirmi?
"SecureTower" sisteminin agentləri əməkdaşların kompüterlərinin məhsuldarlığına və sürətinə ciddi təsir göstərmir və onların öz vəzifə öhdəliklərini yerinə yetirməsinə mane olmur. Agent proqramın ölçüsü 15-20 meqabayt təşkil edir.
- “SecureTower” şəbəkənin buraxıcılıq qabiliyyətinə və məhsuldarlığına təsir edirmi?
“SecureTower” şəbəkəyə demək olar ki, təsir etmir və şəbəkədən istifadə edən digər tətbiqlərin işinə mane olmur. Bütün ələ keçirilən “verilənlər” kiçik həcmlərdə və müəyyən intervallarla serverlərə daxil olur ki, bu da şəbəkənin yükünün bərabər paylanmasını təmin edir. Buraxıcılıq qabiliyyəti kiçik olan kanallarda agentlər tərəfindən ələ keçirilmiş “verilənlər”in serverə ötürülmə sürətinin məhdudlaşdırılması nəzərdə tutulur.
- “SecureTower” “verilənlər” bazalarının hansı növlərindən istifadə edir?
“SecureTower” həm çox vaxt iri şirkətlərin istifadə etdiyi, ödənişli MS SQL Server və Oracle bazalarını, həm də orta və kiçik təsərrüfat subyektləri üçün münasib olan növbəti ödənişsiz PostgreSQL, MySQL və SQLite bazalarını dəstəkləyir. Porqrama SQLite sistemini dəstəkləyən modul da inteqrasiya edilmişdir. O, kənar “verilənlər” bazalarını daxil etmədən "SecureTower" sistemini qısa müddət ərzində sınaqdan keçirməyə imkan verir.
- Sistemi verilənlər bazasının avtomatik təmizlənməsinə kökləmək olarmı?
Bəli. "SecureTower" sistemində ələ keçirilmiş informasiyanın indeksləşdirilmə parametrlərini kökləyərkən vaxtaşırı verilənlər bazasının təmizlənməsini təyin etmək olar. İnformasiyanın saxlanması üçün standart olaraq 30 gün nəzərdə tutulur, yəni müddəti 30 günü keçmiş “verilənlər” avtomatik silinir.
- “Verilənlər” bazalarına aid rəqəmsal iz texnologiyası necə işləyir?
Proqramın unikal alətlər paketi mövcud bazalardan gələn informasiya axınlarında konkret “verilənlər”i izləməyə imkan verir. Məsələn, sistemi elə kökləmək olar ki, "ad-vəzifə-elektron poçt ünvanı" kombinasiyasının göndərilməsinə cavab olaraq işə düşsün. Belə olan halda təhlükəni xəbər verən sistem ancaq həmin kombinasiyaya cavab olaraq aktivləşir və ancaq addan ibarət “verilənlər”i nəzərə almır ki, bu da səhvən aktivləşmə hallarının sayını minimuma endirir. "SecureTower" sistemində “verilənlər” bazalarına aid rəqəmsal iz texnologiyası ayrı-ayrı şirkətlərin fəaliyyətinin spesifik cəhətlərinə uyğunlaşdırılmışdır və hər hansı bir təşkilatın konkret ehtiyaclarına cavab verəcək qaydada köklənə bilər.
- "SecureTower" sistemi Active Directory? (AD) ilə işləyə bilərmi?
Bəli. "SecureTower" Active Directory (AD) ilə tam sinxronlaşır və növbəti funksiyalardan istifadə etməyə imkan verir:
- "SecureTower" sisteminin serverinə istifadəçiyə aid olan və agent proqramın ələ keçirdiyi “verilənlər” daxil olduqda həmin istifadəçiyə aid kartoçkanın avtomatik yaradılması;
- agent proqramlarını qurmaq və Active Directory kataloqunun konkret bölmələri nəzərə alınmaqla onlar üçün kökləmə parametrləri profillərinin yaradılması;
- proqramın hansı domenlərlə işləyə biləcəyini, hansı domenləri nəzərə almayacağını "SecureTower" sisteminə göstərmək imkanı;
- AD kataloqunda dəyişiklik baş verdikdə "SecureTower" sistemindəki kartoçkaların avtomatik yenilənməsi.
- "SecureTower" sistemi Active Directory? (AD) ilə mütləq əlaqələndirilməlidirmi?
Xeyir, belə inteqrasiya məcburi deyil. Active Directory kataloqunun mövcudluğu sadəcə olaraq əlavə imkanlar yaradır və istifadəçi kartoçkalarının yaradılması kimi bəzi prosesləri avtomatlaşdırmağa imkan verir. AD ilə avtomatlaşdırma mümkün olsa da, şəbəkələrdə və işçi qrupda bunu ancaq əllə etmək olar.
- “SecureTower” portları bloklaya bilərmi?
"SecureTower" sisteminin köməyi ilə HTTP, HTTPS və SMTP (25, 80, 443, 8080) protokollarında istifadə olunan portları bloklamaq olar. Portların daha geniş diapazonunu bloklamaq lazım gələrsə, " Windows" brandmauzerinin standart funksiyalarından və ya kənar qurumların işləyib hazırladığı həllərdən istifadə etmək olar.
- Səsli mesajları mətnə çevirmək, belə mətnlər üzrə axtarış aparmaq olarmı?
"SecureTower" sistemi Microsoft Lync, SIP, Skype, Viber proqramları vasitəsilə edilən səsli zənglərin analizini aparmağa imkan verir. Səsli zəngləri ələ keçirən sistem onları mətnə çevirir. Sonra həmin mətnlərə təhlükəsizlik qaydaları tətbiq oluna, onlarla bağlı axtarış aparıla bilər. “SecureTower” nitqin tanınması üçün özünün standart, ödənişsiz funksiyasından istifadə edir. Ancaq istəsəniz bu məqsədlə ödənişli həllərdən də istifadə edə bilərsiniz. Digər funksional imkanlarına əlavə olaraq sistem özünün standart həlləri ilə (bu zaman “verilənlər” təşkilatı tərk etmir, ancaq təşkilatın öz hesablama resurslarından istifadə olunur) bulud həlləri (“verilənlər” təşkilatı tərk edir, ancaq mətnin tanınması üçün təşkilatın öz resurslarından istifadə olunmur) arasında seçim etmək imkanı verir.
- "SecureTower" sistemindən istifadə edərək SIP-telefoniya ilə ötürülən “verilənlər”ə nəzarət etmək olarmı?
Bəli. "SecureTower" sistemində İP-telefoniya proqramlarında SIP protokolu ilə ötürülən mətnlərə və səsli mesajlara nəzarət funksiyası nəzərdə tutulur.
- Ələ keçirilmiş Skype və SIP-telefoniya zəngləri hansı formatda saxlanılır?
Skype, SIP-telefoniya,Viber və MS Lync ilə edilən bütün ələ keçirilmiş zənglər mp3 formatında saxlanılır. Audiofaylın sıxılma keyfiyyətini ancaq SIP-telefoniya zənglərində kökləmək mümkündür.
- Agent proqramı terminal serverində qurula bilərmi?
Bəli. Bu zaman “SecureTower” serverin bütün istifadəçilərini eyniləşdirə (identifikasiya) bilir.