Səhiyyə

Səhiyyə müəssisələri hər gün xəstələrə aid böyük həcmdə, son dərəcə həssas informasiya ilə işləməli olur. Bu informasiyanın təhlükəsizliyinin və məxfiliyinin təmin edilməsi həmin müəssisələrin hər birinin borcudur.

 

Səhiyyə sektorundakı fəaliyyətin spesifik xarakterini nəzərə alaraq verilənləri mühafizə edən sistem son dərəcə dəqiq, amma eyni zamanda nəzərə çarpmadan işləməlidir ki, müalicə müəssisələrinin əməkdaşlarının diqqətini yayındırmasın və onlar bütün səylərini xəstələrə ən keyfiyyətli səhiyyə xidmətlərinin göstərilməsi ətrafında cəmləşdirə bilsin.

Əksər ölkələrin qanunvericiliyində insanın sağlamlıq vəziyyəti haqqında məlumatların yayılması şəxsi həyata müdaxilə hesab edilir və inzibati məsuliyyət yaradır, bəzi hallarda isə cinayət təqibi ilə nəticələnir. Digər tərəfdən, səhiyyə müəssisələri bütün xəstələrin xəstəlik tarixçələrinə aid sənədlərin arxivini aparmalı, eyni zamanda fərdi məlumatların mühafizəsini lazımi səviyyədə təmin etməlidir. Bu cür iş şəraitində informasiyanın mühafizəsi ön plana çıxır və xüsusi yanaşma tərzi tələb edir.

DLP sistemi mövcud verilənlərin üzərində nəzarəti operativ və keyfiyyətli şəkildə həyata keçirmək iqtidarındadır. "SecureTower" sistemi informasiyanın həm təsadüfən, həm də qəsdli olaraq sızdırılması ehtimalını minimuma endirməyə imkan verir. Onun istifadəçi üçün rahat interfeysi isə hətta mütəxəssis olmayan şəxslərin də sistemdən tam istifadəsini mümkün edir. Sistem şirkətlərdə tətbiq edilən təhlükəsizlik siyasətinin tələblərinin pozulması hallarını dərhal səlahiyyətli şəxslərə bildirir.