Energetika

Energetika sektoru, xüsusilə də neft-qaz sənayesinin və yanacaq-energetika kompleksinin müəssisələri həmişə informasiya təhlükəsizliyinin təmini ilə bağlı özünəməxsus tələblərin qoyulması ilə fərqlənmişdir. Vacib informasiyanın külli miqdarda olması və xətaların son dərəcə baha başa gəlməsi bu təşkilatları “verilənlər”in mühafizəsi məsələsinə son dərəcə ciddi yanaşmağa məcbur edir.

Energetika sektorunun müəssisələri kritik əhəmiyyətə malik infrastruktur obyektlərinə aiddir və buna görə də informasiya təhlükəsizliyinin təmin olunması onların həll etməli olduğu ən vacib məsələlərdən biridir. Sektorun müxtəlif təşkilatları fərqli fəaliyyət növləri ilə məşğul olduqlarına görə informasiya təhlükəsizliyi ilə bağlı, demək olar ki, bütün risklər onlar üçün aktualdır. “Verilənlər”in sızdırılmasına nəzarət edən sistem belə şirkətlər üçün həyati əhəmiyyət daşıyır.

Neft-qaz sektoru – bu sektorda fəaliyyət göstərən şirkətlər inanılmaz dərəcədə böyük həcmli informasiyanı emal edən nəhəng konsernlərdir. “Verilənlər”in sızma ehtimalına qarşı qorunmasında "SecureTower" sistemindən istifadənin lehinə belə bir faktı göstərmək olar ki, o, böyük həcmdə informasiyanı emal etməyə imkan verir. Digər tərəfdən, bütün emal prosesi avtomatik rejimdə icra olunur ki, bu da insan amilindən irəli gələn xətaları minimuma endirir.

Energetika sektoru kimi ciddi rəqabətlə xarakterizə olunan mühitdə müştərilərə aid “verilənlər”in mühafizəsinin lazımi qaydada təmin olunması isə məhz iflasa uğramamağı, uğursuz vəziyyətlərdə belə, əlverişli mövqeyi qoruyub saxlamağı, eləcə də inkişaf prosesində informasiya təhlükəsizliyi ilə bağlı insidentlərin həllinə vaxt və əmək sərf etmədən irəli getməyi mümkün edən amildir.